«Ўзбекнефтгаз» логотип ғолибига Spark калитини топширди. Аммо логотипнинг ўзи ҳали эълон қилинганича йўқ

«Ўзбекнефтгаз» АЖ нефть ва газ саноати учун янги логотипни яратиш бўйича эълон қилган очиқ ижодий танловининг натижаларини маълум қилди. Танловда Баҳром Калонов ғолибликни қўлга киритди, деб хабар берди «Kommersant.uz».

Ғолибга «Ўзбекнефтгаз» АЖ томонидан Chevrolet Spark автомобилининг калити топширилди. Тақдирлаш маросими Губкин номидаги Россия давлат нефть ва газ университетининг Тошкент шаҳридаги филиалининг 10 йиллигини нишонлаш байрамида топширилди.

Танлов комиссияси ичидан «Ўзбекнефтгаз» АЖ ҳамда геология ва нефть-газ ходимлари касаба уюшмаларининг Республика кенгаши вакиллари ва мутахассислари ўрин олган. Комиссия иштирокчилардан келиб тушган таклифларни ўрганиб чиқиб, Баҳром Калоновни бир овоздан ғолиб деб топди.

Ишчи орган томонидан комиссияга лойиҳанинг иккинчи босқичи доирасида кўриб чиқиш учун 219 та ишланма топширилган. Кўриб чиқиш жараёнида техник талаблар, жумладан, ёруғлик гаммаси, матн, шрифт, графика, мақсадли аудитория, асосий элементлар эътиборга олинган. Шунингдек, Ўзбекистоннинг миллий ва маданий хусусиятларини акс эттирган ишланмаларга, нефть-газ саноати ғояларига эътибор қаратилаган.

«Ўзбекнефтгаз»нинг расмий саҳифасида ҳам Баҳром Калонов танлов ғолиби дея топилгани ҳақида хабар берилган, бироқ ғолибликка эришган логотипнинг сурати келтирилмаган.