UNICEF томонидан 3 декабрь — Халқаро ногиронлиги бўлган инсонлар кунига бағишлаб «Фаоллаштириш» мавзусида тадбир ўтказилди. Бу ҳақда UNICEF’нинг Ўзбекистондаги ваколатхонаси ахборот хизмати хабар бермоқда.
Тадбирда 80 га яқин иштирокчилар - ногиронлиги бўлган болалар, уларнинг ота-оналари, вазирликлар, давлат муассасалари, фуқаролик жамияти ташкилотлари ва оммавий ахборот воситалари вакиллари қатнашди.
Тадбирда турли ҳаёт тажрибасига эга ногиронлиги бўлган инсонлар болалик чоғида учраган тўсиқларни қандай енгиб ўтгани ҳамда ногиронлиги бўлган фарзандни катта қилишнинг ўзига хос хусусиятлари ҳақида фикр билдирди.
Маърузачилар ногиронлиги бўлган болаларга етарли даражада хизматлар кўрсатилмаслигини, уларга ачиниш ёки ундан ҳам ёмони — камситиш ва хўрлаш объектлари сифатида қаралишини айтиб ўтди.
Жамиятдаги ҳар бир инсоннинг, жумладан ҳукуматлар, иш берувчилар, жамоат ташкилотлари, ота-оналар уюшмалари ва халқаро ташкилотларнинг Бола ҳуқуқлари тўғрисидаги конвенциянинг ва Ногиронлиги бўлган инсонлар ҳуқуқлари тўғрисидаги конвенциянинг тамойилларини амалга оширишда ўз ўрни бор. Барча болалар эътиборга олинмас экан, жамият адолатли бўла олмайди. Ногиронлиги бўлган болалар борасида маълумотлар тўпланиб, улар таҳлил қилинганидагина бу болаларнинг манфаатлари ҳисобга олинади.Саша Грауманн, UNICEF’нинг Ўзбекистондаги ваколатхонаси раҳбари
Изоҳ (0)