Оқ Уй Blackwater хусусий ҳарбий компанияси асосчиси Эрик Принснинг хусусий жосуслик тармоғини шакллантириш ва ундан Марказий разведка бошқармаси учун фойдаланиш таклифини маъқулламайди. Бу ҳақда АҚШ президенти миллий хавфсизлик бўйича ёрдамчисининг ўринбосари Майкл Энтон маълум қилди, деб хабар беради «ТАСС».
Ундан The Intercept нашрининг Blackwater асосчиси таклифи ҳақидаги мақоласига изоҳ бериш сўралди.
«Оқ Уй бундай таклифларни шу пайтгача ёқламаган ва бундан кейин ҳам қўллаб-қувватламайди. Бу таклифга Миллий хавфсизлик кенгаши ёки Оқ Уйда кимдир эътибор қаратганини билмайман», — деди Энтон.
МРБ вакиллари CNN телеканалининг мақола ҳақидаги саволига «Сизларга ўта ноаниқ маълумот тақдим этилган. Буни ўз мақсадларини кўзлаётган шахслар амалга оширган бўлиши мумкин», деб жавоб қайтарди.
Изоҳ (0)