Ўзбекистон бош прокуратураси колбаса цехидан эшак гўшти топилиши факти юзасидан жиноий иш қўзғатилганини маълум қилди. Бу ҳақда идоранинг расмий сайтида маълум қилинди.
Муқаддам «Шаршара» бренди остида гўшт маҳсулотлари ишлаб чиқарувчи Gold Premium Product компаниясининг Тошкент шаҳар Олмазор туманидаги цехидан бошқа гўшт турларига қўшиб юборилган 69,6 килограмм эшак гўшти топилгани хабар қилинган эди.
Текширувлар давомида цех ишчилари 275 килограмм гўштга 69 килограммдан кўпроқ эшак гўшти ва бошқа гўшт маҳсулотлари қўшилгани аниқланди.
Тегишли ташкилотларнинг хулосасига кўра, мусодара этилган гўшт маҳсулотлари истеъмолчилар ҳаёти ва соғлиғи хавфсизлигини таъминлаш талабларига жавоб бермайди.
Изоҳ (0)