Ўзбекистон Ёшлар иттифоқи, «Ўзбеккино» Миллий агентлиги, Ёш киноижодкорлар кенгаши ва Кинемотографияни ривожлантириш маркази томонидан ўтказилаётган III Республика PROlogue — 2017 кинофестивалининг тантанали «қизил йўлакча» ҳамда ёпилиш маросимлари бўлиб ўтди. «Дарё» мухбири Феруз Муҳаммад маросимдан фото ва видеорепортаж тайёрлади.
30 ноябрь куни Ёшлар ижод саройида PROlogue — 2017 кинофестивалининг энг кутилган «қизил йўлакча» ҳамда ёпилиш маросимлари бўлиб ўтди.
Ёпилиш маросимига Дилноза Кубаева, Беҳзод Муҳаммадкаримов, Раъно Шодиева ҳамда Акбархўжа Расуловлар бошловчилик қилди.
«PROlogue — 2017» да «Энг яхши сценарий» Мафтуна Аллоқуловага «Хоразм жонгинам» фильми учун насиб этди.
«Энг яхши операторлик иши» номинациясида «Лимузин» фильми учун Бахтиёр Атабоев тақдирланди.
«Энг яхши эркак роли учун» мукофоти Фотиҳ Насимовга «Устунсиз уй» фильмидаги роли учун насиб этган бўлса, «Энг яхши аёл роли»га «Дилемма» фильмидаги ижроси учун Ойпарча Абдуллаева лойиқ топилди.
«Энг яхши режиссёр» номинациясида «Аквариум» фильми учун Ҳасан Алижонов ғолиб деб топилди.
Фестивалга келиб тушган фильмларнинг энг яхшиси деб Мухлиса Азизованинг еттита халқаро кинофестивалда намойиш қилинган «У» фильми топилди, ҳамда бош соврин билан тақдирланди.
Питчинг танловида ўз лойиҳалари билан иштирок этган ёшлар орасидан эса Шерзод Мусаевнинг «Ўгай» ва Муҳаммад Юсуповнинг «Оқ-қора спектакль» лойиҳалари ғолиб деб топилди.
Шунингдек, маросимда таниқли устоз санъаткорлар Али Ҳамроев, Элёр Ишмуҳаммедов, Оделшо Агишев, Юсуф Розиқов, Дамир Салимовга «Ўзбек киноси ривожига қўшган ҳиссаси учун» мукофоти топширилди.
Изоҳ (0)