АҚШнинг Колорадо штатида 10 ёшли Ашанти Дэвис исмли қизча ўз жонига қасд қилишга уринганидан кейин икки ҳафта ўтиб, вафот этди, деб ёзади The Daily Mail.
Ижтимоий тармоқларда синфдошлари унинг устидан кулгач, қиз ўз ҳаётига нуқта қўйишга қарор қилган. Шифокорлар бир неча ҳафта давомида уни қутқариб қолишга интилган, аммо охир-оқибат уни ҳаётни таъминлаш қурилмасидан ўчириб қўйишга мажбур бўлган.
Октябрь охирида бешинчи синфда ўқийдиган Дэвис жанжалга аралашиб қолган. Ўқувчилардан бири оломон кўз ўнгида жанжаллашаётган икки қизни видеога олиб, оммабоп дастурлардан бирига жойлаган. Шундан кейин мактабдаги ўқувчилар қизни масхара қилишни бошлаган.
Ҳодисадан икки ҳафта ўтгач, қиз уйга келиб, ўз жонига қасд қилишга уринган. Уни касалхонага етказишган. Айни пайтда қизнинг ота-онаси безориларни аниқлашга ҳаракат қилмоқда.
Изоҳ (0)