Apple раҳбари Тим Кук сунъий интеллект уни хавотирга солмаслигини билдирди. Бу ҳақда «РИА Новости» хабар бермоқда.
«Мени одамлар каби фикрловчи машиналар эмас, машиналар сингари мушоҳада юритадиган инсонлар кўпроқ ташвишга солади. Технологияларни инсониятга жорий этиш учун биргаликда ишлашимиз лозим», — деди Кук Хитойнинг Учжэнь шаҳрида ўз ишини бошлаган интернет бўйича 4-халқаро конференциянинг очилиш маросимида.
Apple раҳбари технологиялар ва сунъий интеллект дунёни яхши томонга ўзгартириши, инсон имкониятларини кенгайтириши, таълим, тиббий хизмат ва бошқа кўплаб соҳаларда олдинга силжишга ёрдам беришига умид билдирди.
Кукка кўра, келажак технологиялар сабабли эмас, инсоният улардан қандай фойдаланишидан келиб чиқиб порлоқ бўлиши мумкин.
Изоҳ (0)