АҚШ Сенати республикачилар партияси томонидан таклиф этилган солиқ ислоҳоти ҳақидаги қонун лойиҳасини қабул қилди. Бу ҳақда Meduza хабар бермоқда.
Ҳужжатни 51 сенатор ёқлади, 49 киши, жумладан, бир республикачи унга қарши чиқди.
Қонун лойиҳаси АҚШда ўтган асрнинг 80 йилларидан бери биринчи марта солиқларнинг бу қадар йирик миқдорда камайтирилишини кўзда тутади.
Жумладан, корхоналардан олинадиган даромад солиғини 35 фоиздан 20 фоизга камайтириш, индивидуал солиқ тўловчиларга 2025 йилгача солиқ имтиёзларини тақдим этиш режалаштирилмоқда.
Солиқ ислоҳоти танқидчилари мазкур янгилик биринчи галда йирик бизнес ва бадавлат шахслар учун фойдали эканлиги, оддий одамлар учун наф бермаслигини даъво қилмоқда.
Шунингдек, қонун лойиҳаси бюджет танқислигини умумий ҳисобда триллион долларга кўпайишига олиб келиши мумкинлиги билдирилмоқда.
Изоҳ (0)