Югуришни бошлаш учун озиш билан боғлиқ бўлмаган 5 сабаб
Кўпинча одамлар ортиқча вазнни йўқотиш мақсадида югуришни бошлайди. Лекин сиз ўзингизга хоҳлаган овқатларни ейишга имкон бериш учунгина спорт билан шуғулланишингиз шарт эмас.
Фото: Flickr
Фақат танангизга жазо бериш учун эмас, балки жисмоний ва руҳий жиҳатдан кучлироқ бўлиш учун ҳам югуришингиз керак.
Югуриш сизни кучлироқ қилади
Агар сиз камдан-кам ҳолларда ўзингизни жисмонан кучли ҳис қилсангиз, унда югуриш, айниқса тез югуриш буни тўғрилашга ёрдам беради. Сиз шиддат билан олдинга қараб борар экансиз, кундалик ҳаётда учратмаган туйғуларни ҳис қиласиз. Бу сизни ўз танангизни қадрлашга мажбур қилади.
Югуриш фикрлар ва туйғуларни сингдиришга ёрдам беради
Агар сиз ҳар доим банд ва смартфон ёки компьютер ёнида бўлсангиз, унда табиийки, сизнинг нимани ўйлаётганингиз ва ҳис қилаётганингизни англашга вақтингиз етмайди.
Югураётганингизда эса ўз фикрларингиз билан ёлғиз қоласиз. Бундан ташқари, сиз ўз туйғуларингиз билан уйғун ҳолатда бўласиз.
Сиз ҳамма салбий кучларингизни жисмоний ҳаракатга йўналтириш имкониятига эга бўласиз ва шу тарзда салбий ҳиссиётлардан қутуласиз.
Югуриш ўзингизни тирик ҳис қилишга имкон беради
Олдинга қараб ҳаракат қилар экансиз, қаттиқ қувонч ва ҳаяжонни ҳис қиласиз. Ҳатто югуриш билан шуғулланувчи спортчилар ҳам бунга ўхшаш ҳолатни ҳар доим ҳис қилавермайди.
Югуриш — бу сизнинг вақтингиз
Дам олишнинг энг яхши усулларидан бири — бу севимли мусиқани қўйиш ва атрофдаги табиат чиройини томоша қилиб югуриш. Асосийси — сиз танангиз, фикрларингиз, ҳиссиётларингиз, мусиқа ва атрофдаги ҳамма нарсаларнинг ўзаро боғланишини ҳис қиладиган ўз дунёнгизга тушиб қоласиз.
Югуриш ўзингизни соғлом ҳис қилишга ёрдам беради
Ҳамма фитнес-машқлар ва парҳезлар орасида югуриш асосий роллардан бирини бажаради. У ўзингизни мумкин қадар соғлом ҳис қилишга ёрдам беради. Балки югуриш сиз шуғулланаётган бирдан-бир спорт тури бўлмаслиги мумкин, лекин у танангизга кўрсатаётган таъсири туфайли сизнинг севимли машғулотингизга айланиши мумкин.
Изоҳ (0)