Чарчоқни қандай енгиш керак: 5 самарали маслаҳат

Кучсизликни енгиш ҳақидаги тавсиялар одатда бир-бирига ўхшаш ва зерикарли бўлади. Биз эса сиз учун уларнинг фақат қизиқарли ва самарали усулларини тўпладик.

1. Организмда қандай муаммо борлигини аниқланг

Одамнинг қизғин иш кунидан ёки жадал машғулотлардан кейин чарчаши табиий ҳол ҳисобланади. Агар чарчоқ дам олиш кунлари ҳам ўтиб кетмаса ва сиз у туфайли дам ололмасангиз, унда бу ҳолатни нормал деб бўлмайди.

Лекин бирон нима қилишдан олдин, унинг каттароқ кўнгилсизлик аломати эмаслигига ва ҳақиқатан ҳам чарчоқ эканлигига ишонч ҳосил қилинг.

Чарчаш — баъзи касалликларнинг белгиси.

Диабет, депрессия, қалқонсимон без муаммолари, хавотирлик, камқонлик ва ҳатто хуррак — чарчаш орқали ўзи ҳақида хабар берувчи касалликлар ҳисобланади. Бундай ҳолатларда шифокор-эндокринолог қабулига бориб, аҳволингиз ёмонлигининг сабабини аниқлаш тавсия қилинади.

2. Тўғри ухлашга ўрганинг

Одатда чарчаган одам ҳар доим ёмон ухлайди: уйқусизликдан, қаттиқ ухлай олмасликдан ёки дам олишга вақти етишмасликдан қийналади. Агар сиз ухлашга вақт етишмайди деб ҳисобласангиз, шуни эсда тутинг: 8 соат эмас, балки тўғри ухлашингиз керак.

Бунинг маъноси шундай:

• Ҳар куни бир хил вақтда ухлашга ётинг.
• Қоронғиликда ухланг.
• Жимжитликда ухланг.
• Форточкаси очиқ салқин хонада ухланг (ҳаво ҳарорати 16–18 °C).
• Текис тўшакда ва иссиқ кўрпада ухланг.

3. Тўғри овқатланинг

Уч оддий қадамдан бошланг:

1. Қаҳва ичишни камайтиринг. Қаҳва ва бошқа тетиклаштирувчи ичимликлар— бу вақтинчалик куч берувчилар.
2. Ширинликлар ва фастфуднинг ўрнига ёнғоқлар ва творог билан тамадди қилинг. Оқсилли озиқ-овқатлар кучсизликни енгишга конфет ва қаҳвадан кўра яхшироқ ёрдам беради.
3. Зиғир уруғи асосида тайёрланган снеклар олинг — уларда антиоксидантлар кўп.
4. Ишда танаффус қилиб туринг

Қилиниши зарур бўлган ишларни бажаринг ва ундан кейин ўзингизни кучсиз ҳис қилсангиз, дам олинг. Муҳим ишлар тамом бўлади, сиз эса бемалол дам олишга ва куч тўплашга ўтасиз.

                4. Ҳаракат қилишга ўрганинг

Чарчаганингизда ҳаракатланиш ва жисмоний фаоллик сиз учун умуман имконсиз бўлиб кўринади. Бунинг бир йўли бор: ўзингизда чарчоқликни сезсангиз, сайр қилишингиз мумкин.

Қулай кийимларингизни кийинг ва ташқарига чиқинг. Тоза ҳаводан чуқур-чуқур нафас олинг ва юринг.

Манба: «Woman.ru»