Канадaлик хонанда Жастин Бибернинг тан соқчиси Майкл Арана АҚШнинг Флорида штати Майами шаҳрида ҳибсга олинди, деб хабар беради TMZ.
Алкоголь ичимлик таъсирида бўлган Арана шахсий автомобилида полиция машинасига келиб урилган. ЙТҲ оқибатида икки нафар полициячи жароҳатланган. Улардан бири оғир аҳволда шифохонага ётқизилган.
Арана ЙТҲ содир бўлган жойдан яширинган, бироқ бир неча соатдан сўнг ҳибсга олинган. Унинг чўнтагидан алкоголь маҳсулотлари харид қилингани ҳақидаги чек топилган. Арана алкоголь ичимлик ичгани юзасидан тест топширишдан бош тортган. Унга нисбатан маст ҳолда автомобиль бошқариш ва жиноят жойидан қочишга уринганлик каби айбловлар илгари сурилмоқда.
Изоҳ (0)