MyDay нашри таниқли ўзбек хонандалари ўтган ҳафта нима билан банд бўлганини ўрганди.
Манзура Йўлдошева
Хонанда Манзура ўтган ҳафта янги видеоклип суратга олиш ишлари билан банд бўлди. «Она» деб номланган таронага тасвирга олинаётган видеокетма-кетликка Дилмурод Агзамов режиссёрлик қилаётган бўлса, операторлик вазифаси хонанданинг ишонган оператори Рустам Муродовга ишониб топширилган.
Улуғбек Раҳматуллаев
Ўзбекистонда хизмат кўрсатган артист Улуғбек Раҳматуллаев олти кунлик концерт дастури ниҳоясига етгач, Европа бўйлаб саёҳатга чиқди. Париж, Амстердам, Барселона каби жаҳонга машҳур шаҳарларда тушган суратларини Instagram’даги шахсий саҳифасига жойлаган хонанда уч кун аввал Ўзбекистонга қайтиб келди.
Шаҳзода
Хонанда Шаҳзода яна янги тароналар устида иш бошлади. У доимий ҳамкорлик қиладиган муаллифлари — «Беном» гуруҳи вакиллари билан янги қўшиқ ёзмоқда.
Умидахон
Хонанда Умидахон Хожиева «Ана энди» деб номланган сокин таронасига клип суратга олдирди. Мазкур тарона «Уммон» гуруҳи вакили Зоҳид томонидан ёзилган бўлиб, клипда ҳам унинг ўзи суратга тушди.
Сардор Раҳимхон
Ўзбекистонда хизмат кўрсатган артист Сардор Раҳимхон 26 ноябрь куни Санкт-Петербургда концерт дастурини тақдим этди. Концерт дастурида сўз устаси ва актриса Ҳалима Ибрагимова махсус меҳмон сифатида қатнашди.
Сарвар Акбаров
«Шарқ» гуруҳи яккахони Сарвар Акбаров фарзанди Алихоннинг биринчи туғилган кунини нишонлади. Катта байрам тадбирида кўплаб эстрада вакиллари меҳмон бўлди.
Дилсўз
Дилсўз тахаллуси билан машҳур хонанда Гўзал Жуманиёзова ўтган ҳафта ҳамкасби Муниса Ризаеванинг концерт дастурида меҳмон бўлди.
Шунингдек, хонанда телебошловчи Парвиз Фаттоевнинг никоҳ оқшомида бўлиб, икки ёшни табриклади.
Муниса Ризаева
Хонанда Муниса Ризаева «Истиқлол» санъат саройида концерт дастурини тақдим этди.
Изоҳ (0)