Вазирлар Маҳкамаси «Ўзбекистон Республикаси Мудофаа вазирлиги қўшинларидаги ҳарбий хизматчиларнинг овқатланиш сифатини тубдан яхшилаш чора-тадбирлари тўғрисида» қарор имзолади, деб ёзади Norma.
Ҳужжатда Мудофаа вазирлиги бўлинмаларининг шахсий қисмлари овқатланишини аутсорсинг шартлари асосида ташкил этиш кўзда тутилган. Яъни ушбу мақсадларда шартнома асосида умумий овқатланиш корхоналари (аутсорсерлар) жалб қилинади.
Биринчи навбатда ушбу тизим сафарбарлик чақируви резерви батальонларида, ҳарбий таълим ва даволаш муассасаларида жорий этилади.
Аутсорсерлар хизматлари учун тўловни Мудофаа вазирлиги ҳар бир ҳарбий хизматчининг овқатланиш нормасидан келиб чиқиб, озиқ-овқат маҳсулотларининг ўртача бозор нархи бўйича белгилайди. Ушбу нархларни Қорақалпоғистон Вазирлар Кенгаши, вилоятлар ва Тошкент шаҳар ҳокимлиги тақдим этади.
Шунингдек, ҳокимлар аутсорсерларга озиқ-овқат маҳсулотларини бевосита фермер хўжаликларидан сотиб олишда кўмалашади.
Мудофаа вазирлиги бўлинмаларининг шахсий таркиби овқатланишини ташкиллаштириш бўйича аутсорсинг хизматларини кўрсатиш тартиби 2018 йил 1 апрелгача ишлаб чиқилади ва тасдиқланади.
Изоҳ (0)