Ўзбекистон ёшлар иттифоқи, «Ўзбеккино» МА, Ёш киноижодкорлар кенгаши ҳамда Кинематографияни ривожлантириш маркази томонидан ўтказилаётган III Республика PROLogue – 2017 кинофестивали давом этмоқда.
Еттита халқаро кинофестивалда иштирок этган «У» фильми илк бор PROLogue – 2017 да намойиш қилинди. Бу ҳақда «Дарё»га Ёш киноижодкорлар кенгашининг матбуот хизмати маълум қилди.
27 ноябрь куни Ёшлар ижод саройида фестивалнинг асосий қисми, яъни қисқа метражли фильмлар намойиши бошланди. Намойишни режиссёр Мухлиса Азизованинг еттита халқаро кинофестивалда иштирок этган, «У» («Она») номли фильми бошлаб берди. Мазкур фильм илк бор Ўзбекистонда ташкил қилинган фестивалда намойиш этилмоқда.
Маълумот учун, Мухлиса Азизованинг «У» фильми Франция, Кипр, Қозоғистон, Бангладеш, Индонезия, Ҳиндистон, Туркия давлатларининг халқаро кинофестивалларида иштирок этган.
Изоҳ (0)