Голливуд режиссёри Жеймс Кэмерон «Титаник» фильми сўнгида Леонардо Ди Каприонинг қаҳрамони Жек вафот этиши саҳнаси юзасидан тинмаётган баҳсларни аҳмоқона, деб атади. Бу ҳақда Vanity Fair хабар бермоқда.
У бош қаҳрамоннинг ўлимини драматургия қонунлари билан ўзаро боғлиқ, деб ҳисоблайди.
«20 йил ўтгандан сўнг ҳам бу ҳақда гапиришда давом этаётганимизни аҳмоқона ҳаракат деб биламан. Бироқ мазкур ҳолат Жекнинг кино ишқибозлари қалбидан чуқур жой эгаллагани ва унинг ўлимини кўриш оғир эканлигини кўрсатади. Агар у тирик қолганида кино якуни ҳам мазмунсиз чиқар эди. Бу фильм ўлим ва айрилиқ ҳақида. Жек ўлиши керак эди», — дейди Кэмерон.
Режиссёрнинг сўзларига кўра, агар Жек чўкиб кетмаганида унинг устига тутун трубаси қулаб кетиши керак эди. «Бу санъат деб аталади, ҳаммаси физика туфайли эмас, бадиий сабаблар натижасида содир бўлади», — дейди у.
Кэмероннинг қўшимча қилишича, ёғоч бўлагида Жек ва Роуз учун жой етарли бўлишига қарамай, «ёғоч уларни кўтара олмаган бўларди».
1997 йилда катта экранларга чиққан «Титаник» «Оскар»нинг 11 та номинациясида ғолиб бўлган. Бундан ташқари, фильм тўртта «Олтин глобус» ва бешта «Грэмми»ни ҳам қўлга киритган.
Изоҳ (0)