Таниқли россиялик актёр Владимир Этушнинг рафиқаси Елена Этуш ижтимоий тармоқларда тарқалган актёрнинг вафот этгани ҳақидаги гап-сўзларга муносабат билдирди ва бу ҳолатдан ғазабланди, деб хабар беради 7MedNews.
Ижтимоий тармоқлар ва бир нечта сайтларда бир вақтнинг ўзида Владимир Этушнинг 96 ёшда вафот этгани ҳақида маълумотлар пайдо бўлди. Маълумотларда актёрнинг ўлимига аслида унинг ҳаётига таҳдид солмаётган шамоллаш сабаб қилиб кўрсатилган. Актёрнинг рафиқаси севимли актёри учун куйинаётган мухлисларни тинчлантиришга қарор қилди.
«У соғ-омон, ўтириб китоб ўқияпти. Китобни ўқиб бўлгач, мазкур маълумотни текширишини айтди», — дейди актёрнинг рафиқаси.
Унинг айтишича, журналистлар эрта тонгдан бир неча марта қўнғироқ қилган. Оиланинг яқинлари судга мурожаат қилиб, асоссиз гап-сўз тарқатганларни жазолашни маслаҳат берган. Бироқ жуфтлик бундай қилмоқчи эмаслигини билдирган.
«Судга бериш етмай турувди, ўзи! Ўғирланган пуллар юзасидан жиноий иш қўзғатилганининг ўзи етади», — дейди Елена Этуш.
Яқинда актёр оиласига ундан ўғирланган пуллар қайтарилди. Елена Этуш бунинг учун тергов қўмитаси мутахассисларига миннатдорчилик билдирди.
Владимир Этуш 1922 йилда туғилган. У «Иван Васильевич ўз касбини ўзгартиради», «Кавказ асираси» ҳамда «12 та стул» фильмларидаги образлари билан машҳурликка эришган.
Изоҳ (0)