Facebook’да Holiday Gift Exchange (байрам совғалари билан айирбошлаш) акциясида иштирок этиб, 10 доллардан бошланадиган совғани кимгадир юборишни таклиф қилувчи вирусли хабар тарқалмоқда. Бу фирибгарликдир, деб ёзади Forum Daily.
Акциянинг моҳияти шундан иборатки, сиз кимгадир совға жўнатасиз, кейин эса сизнинг почтангизга юзлаб совғалар келишни бошлайди. Бу акция безарарга ўхшаб туюлади, аммо у ноқонуний.
АҚШ почта инспекцияси хизматида бу акцияни «бахт мактуби»нинг оддий намунаси деб аташмоқда, фақат сиздан пул эмас, совғалар жўнатишни сўрашади.
Федерал қонуннинг почта лотереялари ҳақидаги моддасига кўра, бундай хатти-ҳаракатлар 2 йилгача жиноий жазо билан жазоланиши мумкин.
Шунингдек, акция шартларини қабул қилиш орқали, махфийлик муаммоси юзага келади: сиздан исм-шариф ва почта манзилингизни кўрсатишингизни сўрашади. Бу маълумот кимларнинг қўлига тушиши мумкинлигини сиз билмайсиз.
Почта хизмати эътиборли бўлиб, бундай акцияларда қатнашмасликни тавсия қилмоқда.
Изоҳ (0)