Жиноят оламида катта обрўга эга бўлган Жако лақабли Аслан Гагиев Австриядан Россияга экстрадиция қилиниши арафасида аэрофобия —оғир формадаги парвозлардан қўрқиш касаллигига чалиниб қолди, деб ёзади «Коммерсантъ».
Адвокатлар ўз мижозини самолёт трапидан олиб қолди ва Австрия адлия вазирлиги ва Интерпол ходимлари тақдим этилган тиббий маълумотномани текшираётган вақтда, экстрадиция ҳақидаги суд қарори устидан апелляция берди. Ҳимоячилар таъкидлашича, Гагиев Россияга парвоздан омон қолмаслиги мумкин, Россия жазоларни ижро этиш федерал хизмати эса бемор учун европача шароитларни таъминлаб, унинг хавфсизлигини кафолатлай олмайди.
Россияда Гагиев бир умрга озодликдан маҳрум этилиши мумкин.
Тергов маълумотларига кўра, асли грузиялик Аслан Гагиев раҳбарлик қилган жиноий синдикат 2000 йиллар охирида Шимолий Осетияда маҳаллий ҳукумат вакиллари, олий мансабли полициячилар ва уларнинг оила аъзолари қотилликлари ортида турган бўлиши мумкин. Бундай қотилликларнинг сони 60 дан ошиши мумкин.
Изоҳ (0)