Аргентинага тегишли Атлантика океанида ғойиб бўлган «Сан-Хуан» сув ости кемаси бортида портлашга водороднинг юқори даражада тўпланиши сабаб бўлиши мумкин. Бу ҳақда мамлакат ҳарбий-денгиз кучлари расмий вакили Энрике Бальби маълум қилди, дея хабар беради «РИА Новости».
«Портлаш ҳақидаги маълумот ва бортда торпеда йўқлигини инобатга олиб, у водород тўпланиши туфайли содир бўлганини тахмин қилиш мумкин. Агар сабаб водородда бўлса, нима учун унинг жамланиши рўй берганини ҳозирча билмаймиз», — деди Бальби.
Олдинроқ Аргентина ҳарбий-денгиз кучлари «Сан-Хуан» ғойиб бўлишига якка портлаш сабаб бўлиши мумкинлигини билдирган, унинг вакиллари эса норасмий равишда экипаж ҳалок бўлганини тан олганди.
Изоҳ (0)