60 ta qotillikda ayblanayotgan gruziyalik Rossiyaga ekstraditsiya qilinishi arafasida aerofobiyaga chalinib qoldi

Jinoyat olamida katta obro‘ga ega bo‘lgan Jako laqabli Aslan Gagiyev Avstriyadan Rossiyaga ekstraditsiya qilinishi arafasida aerofobiya —og‘ir formadagi parvozlardan qo‘rqish kasalligiga chalinib qoldi, deb yozadi “Kommersant”.

Advokatlar o‘z mijozini samolyot trapidan olib qoldi va Avstriya adliya vazirligi va Interpol xodimlari taqdim etilgan tibbiy ma’lumotnomani tekshirayotgan vaqtda, ekstraditsiya haqidagi sud qarori ustidan apellyatsiya berdi. Himoyachilar ta’kidlashicha, Gagiyev Rossiyaga parvozdan omon qolmasligi mumkin, Rossiya jazolarni ijro etish federal xizmati esa bemor uchun yevropacha sharoitlarni ta’minlab, uning xavfsizligini kafolatlay olmaydi.

Rossiyada Gagiyev bir umrga ozodlikdan mahrum etilishi mumkin.

Tergov ma’lumotlariga ko‘ra, asli gruziyalik Aslan Gagiyev rahbarlik qilgan jinoiy sindikat 2000-yillar oxirida Shimoliy Osetiyada mahalliy hukumat vakillari, oliy mansabli politsiyachilar va ularning oila a’zolari qotilliklari ortida turgan bo‘lishi mumkin. Bunday qotilliklarning soni 60 dan oshishi mumkin.