Навоий вилояти Кармана туманида жойлашган «Дўрмон» жомеъ масжидини қайта қуриш ишлари бошланди. Бу ҳақда Ўзбекистон мусулмонлари идораси Навоий вилояти вакиллиги хабар берди.
Хабар беришларича, 180—200 кишини сиғдира оладиган намозгоҳнинг хонақоҳи эскириб қолгани сабаб янги масжид қурилиши бошланган. Янги масжид сиғими қанча бўлиши, кўриниши қандай бўлиши ҳақида ахборот берилмаган.
Навоий вилояти вакиллиги маълумотларига кўра, Мустақилликдан аввалги йилларда бу масжид биносидан омборхона сифатида ва бошқа мақсадларда фойдаланилган. Масжид 1998 йили Адлия вазирлиги томонидан рўйхатга олингач, бино ҳашар йўли билан таъмирланган.
2012 йили масжиднинг эски таҳоратхонаси ўрнида янги таҳоратхона қурилиб, фойдаланишга топшириган. «Жума ва Ҳайит намозларида бу масжид намозхон ва зиёратчилар билан гавжум бўлади», — дейилади вакиллик маълумотномасида.
Изоҳ (0)