Россия Либерал-демократик партияси етакчиси, Давлат думаси депутати Владимир Жириновский 2018 йилда президент этиб сайланган тақдирда, 1 долларни 60 копейка қилишга ва Россия учун янги мадҳия танлашга ваъда берди. Бу ҳақда Жириновскийнинг сайловолди маърузасида айтилади, деб ёзади «РБК».
Жириновскийнинг ваъдалари орасида шунингдек, фуқароларга давлат компаниялари акцияларини бепул тарқатиш ҳамда чет элда рус тили ва россияликларни ҳимоя қилиш ҳам бор.
Жириновский Россияда муҳожирлар сонини чекламоқчи, ипотекани ва коллекторлар фаолиятини тақиқламоқчи. Бундан ташқари, у гени ўзгартирилган организмларни, яширинча ишлаб чиқариладиган ароқни тақиқлаб, мамлакатга давлат стандартларини қайтармоқчи.
РЛДП етакчиси эҳтиёжманд пенсионерларнинг коммунал хизматлардан қарзларидан воз кечишни, аёлларга абортдан воз кечганлиги учун қўшимча тўлов тўлашни, бепарво автомобилчилардан эса транспорт воситасини олиб қўйишни таклиф қилмоқда.
Изоҳ (0)