Жорий йил бошида Саудия Арабистонида қўлга олинган қироллик оиласи аъзолари ва бизнесменлар ҳибсда Американинг хусусий ҳарбий компанияси ходимлари томонидан қийноқларга солинмоқда, деб ёзади «ТАСС».
«Улар шаҳзодаларни дўппослаяпти, қийнаяпти, тарсаки туширяпти ва ҳақоратлаяпти. Уларни синдиришга уринишмоқда», — дея маълум қилди Daily Mail’га қиролликдаги манбаси.
Газета маълумотларига кўра, бу хатти-ҳаракатларни Американинг Academi хусусий компанияси ходимлари амалга оширмоқда.
«Ҳибсдагилар яшаётган меҳмонхоналар ташқарисида Саудия махсус хизматларининг зирҳли машиналарини кўриш мумкин, аммо ичкарида хусусий ҳарбий компания фаолият олиб бормоқда», — деди манба.
Компаниянинг ўзи қийноқларга алоқадор эмаслигини, бундай хатти-ҳаракатлар Америка қонунчилигида тақиқланганлигини айтмоқда.
Газета қайд этишича, коррупцияга қарши кампанияга ташаббускорлик қилган валиаҳд шаҳзода Муҳаммад бин Салмон Ал Сауд сўроқларда шахсан иштирок этмоқда. У қўлга олинган шаҳзода ва бизнесменлардан 194 миллиард долларни мусодара қилишга улгурган.
Изоҳ (0)