ОПЕК давлатлари ҳамда нефть ишлаб чиқарувчи яна 11 мамлакат 30 ноябрь куни Венада бўлиб ўтадиган учрашувда 2018 йилнинг охиригача нефть қазиб чиқаришни қисқартириш битимини узайтириши мумкин. Бу ҳақда Венесуэла нефть вазири Эулохио дель Пино Боливияга газ экспорт қилувчи мамлакатлар форуми доирасида маълум қилди, деб хабар берди «Ведомости».
«Ҳа, биз буни муҳокама қилмоқдамиз», — дея журналистлар саволига жавоб берди дель Пино. Унинг сўзларига кўра, дунё бўйича ортиқча захиралар 100 миллион баррелдан кўпроқни ташкил қилмоқда. «Келгуси мавсумда ушбу даражани пасайтиришга улгурмаслигимиз мутлақо аён. Шунинг учун келгуси ҳафтада ушбу қарор қабул қилиниши мумкин», — дея ойдинлик киритади вазир.
Изоҳ (0)