Афғонистон шарқидаги Жалолобод шаҳрида 23 ноябрь, пайшанба куни портлаш содир бўлди, деб хабар беради «РИА Новости».
Теракт оқибатида камида олти киши ҳалок бўлди.
Нангархар вилояти губернатори Атаулла Хогияни портлаш содир бўлганини тасдиқлаган. Унинг сўзларига кўра, портлаш туман полициясининг собиқ командири уйининг ёнида содир бўлган.
Гувоҳларнинг айтишича, портловчи мослама худкуш террорчи томонидан ҳаракатга келтирилган.
Ҳозирга қадар биронта террорчилик гуруҳи теракт жавобгарлигини ўз зиммасига олмаган.
Изоҳ (0)