«ВКонтакте» фойдаланувчилари Pikabu порталида пул орттиришнинг хунук усулига дуч келгани ҳақида гапириб беришди.
Хусусан, фойдаланувчилардан бирига яқин танишидан онасининг вафот этганлиги, яқин кунларда дафн маросими бўлиб ўтиши ҳақида хабар келган. Дўстига ҳамдардлик билдиргач, у молиявий ёрдам сўрай бошлаган. Тобут ва дафн маросими учун пул зарурлигини айтиб, кейин тезда қайтаришни ваъда қилган.
Аммо фойдаланувчи хабардан шубҳаланиб, дўстига қўнғироқ қилиб, унинг онаси соппа-соғ эканлигидан хабар топган ва у дўстининг аккаунтини қўлга киритган фирибгарларга дуч келганлигини тушунган.
Бундай ёлғонларга учраган фойдаланувчилар сўзларига кўра, ёвуз ниятлилар одатда бир хил хабар матнидан фойдаланади. Бундан ташқари, улар бузиб кирилган профиль аватаркасини ёнаётган шамга (мотам белгиси сифатида) алмаштириб қўяди. Баъзан фирибгарлар телефон рақамларини қўлга киритади, шунда ҳаммасига ёппасига SMS юбориб чиқади.
Изоҳ (0)