Буюк Британия 2017 йилда иқтисодиёти энг ривожланган мамлакатлар бешталигидан чиқиб кетди. Бу ҳақда мамлакат молия вазири Филип Хэммонднинг сўзларига асосланиб, CNN хабар бермоқда.
Молия вазири, ўз навбатида халқаро валюта жамғармаси маълумотларига асосланмоқда. Рейтингда Франция 2, 575 триллион доллар ялпи ички маҳсулот кўрсаткичи билан Британиядан ўзиб кетди. Қиролликда эса мазкур кўрсаткич 2,565 триллион долларни ташкил этган. Молия вазирининг таъкидлашича, рақамлардаги етишмовчилик унча катта бўлмаса-да, кейинги йилда Франциянинг рейтингдаги позицияси мустаҳкамланади. Франция Буюк Британияни 2013 йилдан бери илк маротаба иқтисодиёти кучли мамлакатлар рейтингида ортда қолдирди.
Хеммонднинг сўзларига кўра, статистика Британиядаги иқтисодий ўсишнинг кескин пасайишини кўрсатди. Бу эса Евроиттифоқдан чиқиш ҳаракатлари билан боғлиқ.
Фунт стерлинг курси тушди, истеъмол харажатлари пасайди, нархлар эса аксинча, ошди.
2017 йилда Иқтисодиёти кучли мамлакатлар бешталиги рейтингининг биринчи ўрнини АҚШ(19,4 триллион доллар), иккинчи ўрнини Хитой(11,9 триллион доллар), учинчи ўрнини Япония(4,9 триллион), тўртинчи ўрнини Германия (3,7 триллион доллар) эгаллади.
Изоҳ (0)