Кўплаб одамлар эрта тонгни бир финжон қаҳва ичишдан бошлайди. Бироқ қаҳва оч қоринга ичилса, тетикликдан кўра соғлиқ билан боғлиқ муаммоларни келтириб чиқариши мумкин, деб хабар берди «Наука».
Жиғилдон қайнаши, ошқозон бузилиши ва гастрит — барча муаммоларнинг асосидир. Бундан ташқари оч қоринга қаҳва ичиш асабийликни ошириши ва диққатни ишга қаратиш қобилиятини пасайтириши мумкин.
Қаҳванинг фойдали хусусиятлари ҳақида кўп ва хўб гапирилган, бироқ шифокорлар уни нонушта вақтида ёки ундан кейин ичишни тавсия қилади.
Эрталабдан тетиклашиш учун ичилган бир финжон қаҳва биринчи навбатда ошқозон-ичак тракти учун хавфли ҳисобланади. Шакар қўшилган хушбўй ичимлик ошқозон сокининг ишлаб чиқарилишини тезлаштириб юборади. Агар нонушта қилинмаган бўлса, ушбу сок ошқозон деворини емира бошлайди ва одамда жиғилдон қайнашини вужудга келтиради.
Бундан ташқари, тўсатдан ташвиш ва ғазабланиш, юрак тезлигининг бузилиши ва диққатни жамлаш қобилиятинининг йўқолиши пайдо бўлади.
Одам эрталаб уйғонганида ички соатлар организмдаги кортизолни чиқариб ташлайди. Бу эса уйқудан кейин организмнинг босқичма-босқич тикланишига ёрдам беради. Бироқ бир финжон қаҳва ушбу тетиклаштирувчи гармон даражасини пасайтиради, шу сабабли эрталабдан қаҳва ичган одамлар уйқуга мойил ва ҳолсиз бўлади.
Изоҳ (0)