Корейсча «Шавкат Мирзиёев» китоби, уч опа-сингилнинг ўлими сабаби, 14,4 млрд сўмлик «чиройли» авторақамлар ва куннинг бошқа муҳим хабарлари

23 ноябрнинг эътиборга молик янгиликлари — «Дарё»нинг кечки дайжестида.

1. Жанубий Кореяда «Ўзбекистон Республикаси Президенти Шавкат Мирзиёев» номли китоб чоп этилди. Айни вақтда Жанубий Кореяда бўлиб турган Шавкат Мирзиёев 23 ноябрь куни президент Мун Чже Ин билан учрашди. Ташриф тафсилотлари — бу ерда.

2. Тошкентда кетма-кет вафот этган уч опа-сингил ўлими сабаби маълум бўлди. Қизалоқларга умуман бошқа дори буюрилган, бироқ дорихона ходими шифокор ёзувини тушунмай, умуман бошқа дори берган.

3. Ўзбекистонда сентябрдан бери жами 14,4 млрд сўмлик «чиройли авторақамлар» сотилди. Аввалроқ Самарқанд вилоятида биттагина «чиройли авторақам» еттита Matiz’нинг пулига сотилгани ҳақида хабар берилган эди.

4. Фото: Тошкентда «ЗиЛ» етти машинани уриб кетди. Тўқнашганлар орасида автобус ҳам бор. Не бахтки, авария оқибатида жабрланган шахслар йўқ, дея хабар беришмоқда.

5. Ўзбекистон миллий терма жамоасига ким бош мураббий бўлади? ЎФФ музокарадагилар номини ошкор қилди. Сиз уларнинг қай бири Ўзбекистонда иш бошлашини истайсиз?

Бонусига — Манқуртликка етаклайдиган иллат ёки муштумзўр раҳбарлар Ойдан тушганми? Азизбек Абдувалиевдан навбатдаги колонка.