Суд-тиббий экспертизаси натижаларига кўра, қизлар дори воситаларини нотўғри қабул қилганликлари учун оламдан ўтган. Қизларга паразитларга қарши «Вермокс» препарати буюрилган бўлган.
«Бироқ дорихона ходими, шифокор ёзувига тушунмай, юракка алоқадор хасталикларда қабул қилинувчи ‘Верапамил’ дори воситасини берган. Дори воситасини қабул қилиш оқибатида қизларда кардиоген шок ҳолати юз берган», — дейилади UzNews хабарида.
2010 йилда туғилган Муниса, 2011 йилда туғилган Мухлиса ва 2013 йилда туғилган Моҳира Қосимовалар 8 ноябрь куни тиббиёт муассасаларида вафот этган эди. Мазкур ҳолат юзасидан 9 ноябрь куни Олмазор туман прокуратураси томонидан Жиноят кодексининг 186-моддаси 4-қисми «а» банди билан жиноят иши қўзғатилган.
Дастлабки хабарларда қизалоқларнинг ўлимига нотўғри берилган дори воситаси, табиб тайёрлаб берган дамлама ёки кўчадаги емакхонадан олинган қийма кабоб сабаб бўлган бўлиши мумкинлиги таъкидланган эди. Ўзбекистон Бош прокуратураси ҳодиса юзасидан айбдорларни жавобгарликка тортиш бўйича барча чоралар кўрилишини маълум қилган.
Изоҳ (0)