Австриянинг Вена шаҳрида 30 ноябрь куни бўлиб ўтадиган ОПЕК саммитига у ёки бу даражада дунё углеводород бозори иштирокчиси бўлган ва нефть етказиб бериш билан шуғулланадиган яна 20 та мамлакат таклиф қилинди, деб хабар беради UZ24.
ОПЕК дунё углеводород бозоридаги балансни таъминлаш учун нефть етказиб беришни чеклаш бўйича Вена келишувига аъзо давлатлар сонини ошириш имкониятларини изламоқда.
Хусусан, МДҲ давлатларидан Ўзбекистон, Тожикистон ва Туркманистон ҳам ҳамкорликка чақирилган мамлакатлар сафидан жой олди.
Туркманистон ва Ўзбекистон учрашувда кузатувчи сифатида иштирок этишини маълум қилган, бироқ ушбу мамлакатлар нефть етказиб беришни чеклаш бўйича режаларини ошкор қилмаган.
Изоҳ (0)