17 ноябрь куни Швециянинг Стокгольм шаҳрида Open Eurasian Literature Festival & Book Forum фестивалининг тантанали очилиш маросими бўлиб ўтди, деб хабар беради «1news.uz».
Маросимда Open Eurasia-2017 танлови ғолиблари эълон қилинди. Таниқли ўзбек ёзувчиси Исажон Султоннинг «Ҳазрати Хизр изидан» асари «Кичик проза» йўналиши бўйича ғолиблардан бири деб топилди.
Open Eurasia-2017 танловида бу йил дунёнинг 37 мамлакатидан 1100 дан зиёд ижодкор қатнашди.
OEBF фестивалининг ҳамда Open Eurasia танловининг ташкилотчилари Лондондаги Eurasian Creative Guild нотижорат ташкилоти ҳамда Hertfordshire Press нашриёт уйи бўлиб, танлов мутасаддилари Open Eurasia-2017 бош мукофоти сифатида «Кичик проза» йўналишидаги барча ғолибларнинг асарларини инглиз тилида нашр этишга қарор қилди.
Изоҳ (0)