Янги тадқиқот натижаларига кўра, одамнинг ижтимоий тармоқларда дўстлари кам бўлса, ушбу одам кундалик ҳаётида моддий манфаатлар ҳақида камроқ ташвишланишини билдиради, деб хабар берди «Hi-tech.mail.ru».
Материалистлар тармоқдаги «дўстлари»ни «жисмоний» объект деб ҳисоблайди ва уларга хусусий мулк сифатида ёндашади. Шунингдек, улар кўпроқ вақтини Facebook’да ўтказади ҳамда ўз ҳаётини ижтимоий тармоқдаги бошқаларнинг ҳаёти билан солиштиради. Рур университетидан бўлган (Германия) Филипп Озимек бошчилигидаги мақола муаллифлари бунинг нима сабабдан содир бўлишига доир янги назарияни яратди. Улар буни «Ижтимоий тармоқларда ўзини ўзи бошқариш назарияси» деб атади.
«Материалистлар Facebook’дан мунатазам фойдаланади, чунки улар ўз дўстларини Facebook’да объективлашга мойил — улар ўзлари эгалик қилаётган «мулк»ни кўпайтириш учун дўстларга эга бўлади. Facebook’да миллионлаб профиллар ва одамлар ҳақида бошқа маълумотлар мавжудлиги сабаб бу ер — ижтимоий таққослаш учун идеал платформа вазифасини бажаради. Бунинг устига буларнинг барчаси бепул — материалистлар текин нарсадан фойдаланишни яхши кўради.
Муаллифлар Facebook’нинг 531 фойдаланувчисини икки гуруҳга бўлиб, улар устида тадқиқот ўтказди. Биринчи гуруҳдаги 242 кишидан эксперимент жараёнида бевосита фойдаланилди, иккинчи гуруҳ эса назорат остида бўлди. Иккала гуруҳга ҳам улар Facebook’дан нима мақсадда фойдаланишлари, ўзларини бошқалар билан қанчалик таққослашлари, материализм даражаси, Facebook’даги дўстлари ҳақида қанчалик ўйлашлари, шунингдек, улар ижтимоий тармоқдаги дўстлик орқали қандай фойдали бонусларга эга бўлишлари мумкинли борасида саволлар жамланган анкета берилди. Бундан ташқари респондентлар Facebook’даги дўстлари сони ҳам кўрсатишлари лозим эди.
Олимлар тажриба натижасида асосий ва назорат гуруҳидаги одамларнинг Facebook’даги дўстлари орасида боғлиқликни, ушбу дўстларнинг объектлаштириш, ўзини бошқалар билан таққослаш ва материализм борлигини аниқлади.
Изоҳ (0)