Ўзбекистон Президентининг Корея Республикасига 22–25 ноябрь кунлари бўлиб ўтаётган давлат ташрифи доирасида «Ўзқурилишматериаллари» АЖ корейс ҳамкорлари билан бирга қурилиш маҳсулотларини ишлаб чиқариш бўйича умумий лойиҳаларни амалга ошириш учун жами 416,2 миллион доллар қийматга эга еттита битим имзоланмоқда. Бу ҳақда «Дарё»га Ўзбекистон Президентининг Жанубий Кореяга давлат ташрифи бўйича матбуот маркази маълум қилди.
Қуйидаги келишувлар доирасида ҳамкорлик олиб борилиши режалаштирилмоқда:
- Evergreen Holdings билан Қорақалпоғистонда цемент ишлаб чиқариш заводини қуриш учун 1-босқични амалга ошириш бўйича келишув — 60 миллион доллар (лойиҳанинг умумий қиймати — 300 миллион доллар);
- SY Panel Group билан бошланғич панеллар ва бошқа қурилиш материалларини ишлаб чиқариш бўйича келишув — 50 миллион доллар;
- HAEAHN компанияси билан аҳоли турар жойлари қуриш бўйича қўшма корхона ташкил этиш келишуви. Лойиҳа қиймати — 50 миллион доллар;
- Evergreen Holdings билан Навоий, Самарқанд ва Наманган вилоятларида табиий тошларни қазиб олиш ва ишлаб чиқариш бўйича келишув — 10 миллион доллар (лойиҳанинг умумий қиймати — 120 миллион доллар);
- Nurichem компанияси билан қурилиш учун мўлжалланган герметик маҳсулотлар ишлаб чиқариш бўйича келишув — 2 миллион доллар;
- OJOO Tech компанияси билан МДФ ва ДСП ишлаб чиқариш бўйича келишув — 1,5 миллион доллар (лойиҳанинг умумий қиймати — 4 миллион доллар);
- KICT (Корея фуқаролик қурилиши ва қурилиш технологиялари институти) билан қурилиш материалларини тадқиқ этиш ва ривожлантириш бўйича ўзбек-корейс марказини ташкил этиш — 150 минг доллар.
Изоҳ (0)