Аргентина жанубидаги Комодоро-Ривадавия шаҳар касалхонаси ходимлари ғойиб бўлган San Juan сув ости кемаси экипаж аъзоларини қабул қилиш эҳтимолига тайёрланиш ҳақида буйруқ олди, деб ёзади «ТАСС».
Чубут провинцияси соғлиқни сақлаш вазирлиги тиббий муассаса раҳбариятига қуйидагича хабар жўнатган: «Сизни хабардор қиламизки, Аргентина ҳарбий-денгиз кучлари биздан San Juan субмаринаси экипажининг 44 нафар аъзосини қутқариш бўйича операция муносабати билан санитар тайёргарликни таъминлашни сўради».
Шу туфайли касалхонада чоршанбага режалаштирилган операцияларни бекор қилишди ва жонлантириш бўлимини жабрланувчиларни қабул қилишга тайёрлашди.
Бортида 44 нафар аргентиналик денгизчи бўлган San Juan сув ости кемаси 15 ноябрь куни алоқага чиқмай қўйганди. Уни қидириш ишлари Жанубий Атлантика сувларида олиб борилмоқда.
Изоҳ (0)