Давоми: Актёр Шуҳрат Нуралиев вафот этди
Даврон Нуралиевнинг сўзларига кўра, қандли диабет касаллигидан азият чекиб келган акаси Шуҳрат Нуралиев айни вақтда Эндокринология институтида чуқур кома ҳолатида ётибди.
«Акамнинг вафот этгани ҳақида тарқалган хабарлар асоссиз», — дейди Даврон Нуралиев.
Аввалроқ бир қатор интернет-нашрларда 37 ёшли актёр Шуҳрат Нуралиевнинг вафот этгани ҳақида хабар берилган эди.
Маълумот учун, Шуҳрат Нуралиев Ўзбек миллий драма театри ва кинодаги қатор роллари билан танилган. Хусусан, «Осмондаги болалар», «Девона», «Улфатлар-2», «Янги бой», «Севгинатор-2», «Зарб» фильмларидаги роллари уни айниқса машҳур қилган.
Шуҳрат Нуралиев кинорежиссёр сифатида бир қанча фильмларни суратга олган, сўнгги вақтларда эса хусусий театрда бош режиссёр сифатида фаолият кўрсатиб келаётган эди.
Изоҳ (0)