Ўзбекистон Бадиий академияси Қорақалпоғистон Республикаси бўлими кўргазмалар саройида таниқли рассом Абдулла Еримбетовнинг «Туғилган ер жилоси» деб номланган шахсий кўргазмаси очилди. Бу ҳақда ЎзА хабар бермоқда.
Кўргазмада мусаввирнинг турли жанрларда яратган 60 дан ортиқ картинаси намойиш этилмоқда.
«Оролда куз», «Яйлов», «Балиқчи», «Амударё», «Юсупнинг уйида баҳор» каби ёрқин характердаги картиналар ёш авлодни ватанга муҳаббат, миллий қадриятларга ҳурмат руҳида тарбиялашга хизмат қилади.
Ўзбекистон Бадиий академияси аъзоси, рассом Абдулла Еримбетов 1931 йили Навоий вилояти Томди туманида туғилган. 1951 йилда ҳозирги Ўзбекистон давлат санъат ва маданият институтига ўқишга кирди. 1961 йилдан бошлаб Республика миқёсидаги кўргазмаларда иштирок эта бошлаган.
Изоҳ (0)