Comedy Club резиденти ва «КВН»нинг «Станция Спортивная» жамоаси иштирокчиси Дмитрий Кожома Ўзбекистонга илк саёҳати таассуротлари билан бўлишди, деб ёзади The Mag.
«Бу менинг Тошкентга биринчи сафарим. У шахсий тадбир билан боғлиқ эди ва энг ёқимли таассуротларни қолдирди, — деди қизиқчи The Mag журналига берган интервьюсида. — Мен ҳис қилган биринчи нарса — бу шаҳардаги бир маромдалик ҳамда югур-югурларнинг йўқлиги бўлди. Ҳамма жойда бир хил оқ машиналар, чиройли бинолар, кенг кўчалар. Тозалиги ва муҳити билан Тошкент менга Минскни эслатди — ижобий ва самимий одамлари бўлган шундай озода шаҳар».
Ўзбек таомлари ҳақида гапирар экан, ўзбек палови — «рақобатдан ташқарида» эканлигини айтди. Шунингдек, қовоқли сомса ва манти ҳам оғзида қолганлигини таъкидлади.
«Айтганимдек, бу сафари шахсий тадбир билан боғлиқ эди, шу туфайли, ‘КВН’ ва Comedy’нинг ўзбекистонлик йигитлари билан таниша олмадим, аммо бунинг ўрнини тўлдириш мумкин, деб ўйлайман. Фақат шуни айта олишим мумкинки, ‘КВН’ ва бошқа шоуларда турли мамлакатлар вакиллари ўз услуби ва маҳаллий юмори билан қатнашгани зўр. Бу ўйинга колорит олиб келади, йигитлар эса ‘КВН’да ўзига хос ҳаёт мактабини ўтайди», — деди Кожома.
Изоҳ (0)