Disney студияси «Вақт бўшлиғи» (A wrinkle in time) фильмининг биринчи трейлерини тақдим этди. Фильм америкалик ёзувчи Мадлен Л'Энглнинг 1962 йилда чоп этилган шу номдаги болалар романи асосида суратга олинган. Бу ҳақда Meduza хабар берди.
Фильм Мег исмли қизча ҳақида ҳикоя қилади. Қизча уч нафар сирли аёлни учратиб қолади, аёллар қизчага вақт бўйлаб сайр қилиш қобилиятини тақдим этади. Мег дўстлари билан бирга отасини излаб саёҳатга чиқади. Қизчанинг отаси олим бўлган ва илмий экспедиция вақтида йўқолган.
Фильмда асосий ролларни Риз Уизерспун, Крис Пайн, Опра Уинфри, Минди Кейлинг ва Зак Галифианакис ижро этган. Режиссёр — Ава ДюВерней.
Фильмнинг премьераси 2018 йилнинг 8 мартида бўлиб ўтади.
Изоҳ (0)