Disney studiyasi “Vaqt bo‘shlig‘i” (A wrinkle in time) filmining birinchi treylerini taqdim etdi. Film amerikalik yozuvchi Madlen L’Englning 1962-yilda chop etilgan shu nomdagi bolalar romani asosida suratga olingan. Bu haqda Meduza xabar berdi.
Film Meg ismli qizcha haqida hikoya qiladi. Qizcha uch nafar sirli ayolni uchratib qoladi, ayollar qizchaga vaqt bo‘ylab sayr qilish qobiliyatini taqdim etadi. Meg do‘stlari bilan birga otasini izlab sayohatga chiqadi. Qizchaning otasi olim bo‘lgan va ilmiy ekspeditsiya vaqtida yo‘qolgan.
Filmda asosiy rollarni Riz Uizerspun, Kris Payn, Opra Uinfri, Mindi Keyling va Zak Galifianakis ijro etgan. Rejissor — Ava DyuVerney.
Filmning premyerasi 2018-yilning 8-martida bo‘lib o‘tadi.
Izoh (0)