Хитойнинг Weibo ижтимоий тармоғи фойдаланувчилари оммавий ЙТҲ фонида селфига тушган Фуян радиостанцияси (Аньхой провинцияси) мухбирини танқид остига олди, деб хабар берди Shanghaiist.
Weibo фойдаланувчиларига автоҳалокат фонида бир қўли билан ғалаба белгисини кўрсатиб, иккинчисида бейжигини ушлаган ҳолда кулиб туриб суратга тушган журналистнинг сурати маъқул бўлмади. «Сен қачондир касб этикаси ҳақида эшитганмисан? Бу сенингча кулгилими?», — дея ғазабланди улар.
Ғазабланган тармоқ фойдаланувчилари сабаб қиз радиостанциядаги ишидан бўшатиб юборилди, у кетишидан олдин кечирим сўрагани тасвирланган видеомурожаатни ёзиб қолдирди. «Сен самимий гапирмаяпсан. Биз сенга бир томчи ҳам ишонмаймиз. Бунда фақатгина сен айбдорсан», — дея маълум қилди фойдаланувчилар.
Автоҳалокат 15 ноябрь, чоршанба куни Аньхой шоссесида содир бўлган. Оммавий тўқнашув оқибатида бир нечта машиналар ёниб кетган, 18 киши ҳалок бўлган, шунингдек, яна 21 киши жабрланган. ЙТҲга қуюқ туман сабаб бўлган.
Изоҳ (0)