Xitoyning Weibo ijtimoiy tarmog‘i foydalanuvchilari ommaviy YTH fonida selfiga tushgan Fuyan radiostansiyasi (Anxoy provinsiyasi) muxbirini tanqid ostiga oldi, deb xabar berdi Shanghaiist.
Weibo foydalanuvchilariga avtohalokat fonida bir qo‘li bilan g‘alaba belgisini ko‘rsatib, ikkinchisida beyjigini ushlagan holda kulib turib suratga tushgan jurnalistning surati ma’qul bo‘lmadi. “Sen qachondir kasb etikasi haqida eshitganmisan? Bu seningcha kulgilimi?”, — deya g‘azablandi ular.
G‘azablangan tarmoq foydalanuvchilari sabab qiz radiostansiyadagi ishidan bo‘shatib yuborildi, u ketishidan oldin kechirim so‘ragani tasvirlangan videomurojaatni yozib qoldirdi. “Sen samimiy gapirmayapsan. Biz senga bir tomchi ham ishonmaymiz. Bunda faqatgina sen aybdorsan”, — deya ma’lum qildi foydalanuvchilar.
Avtohalokat 15-noyabr, chorshanba kuni Anxoy shossesida sodir bo‘lgan. Ommaviy to‘qnashuv oqibatida bir nechta mashinalar yonib ketgan, 18 kishi halok bo‘lgan, shuningdek, yana 21 kishi jabrlangan. YTHga quyuq tuman sabab bo‘lgan.
Izoh (0)