Қишни беталафот ўтказиш учун Қашқадарё вилоятида 53,9 минг тонна кўмирга эҳтиёж мавжуд бўлиб, айни пайтда бу эҳтиёжнинг ўртача 75 фоизи қопланган, дея хабар бермоқда ЎзА.
Хабар беришларича, Республика ишчи гуруҳининг 14—16 ноябрдаги ўрганишлари жараёнида икки кунда Ангрендан 44 вагонда 3 минг 36 тонна қўшимча кўмир олиб келинган.
Қарши шаҳридаги кўмир тарқатиш шохобчасида аҳолига кўмир тарқатиш давом этмоқда. Бир тонна кўмир – 156 минг 600 сўм, шу миқдордаги кўмир брикети 238 минг сўмдан исталган тўлов турида сотилмоқда.
Вилоятда ижтимоий соҳа объектлари ва аҳолига кўмир етказиб беришни таъминлаш мақсадида 8 та кўмир тарқатиш шохобчаси ва 6 та кўмир брикети ишлаб чиқарадиган цех фаолият юритмоқда.Бугунги кунга қадар вилоятдаги ижтимоий соҳа объектларига кўмир етказиб бериш бўйича белгиланган режа тўлиқ бажарилди.
Аҳолига эса, кўмир маҳсулотини эҳтиёжга қараб пешма-пеш етказиб бермоқдамиз. Бу йил аҳоли хонадонларига кўмир етказиб беришда ҳеч қандай муаммо бўлмайди.
Хуршид Нуралиев, «Ўзбекистон темир йўллари» компанияси «Темирйўлёнилғитаъмин» бошқармаси Қарши бирлашган ёнилғи омбор хўжалиги раҳбари
Изоҳ (0)