2018 йил Россия яшил майдонларида бўлиб ўтадиган Жаҳон Чемпионатига қуръа ташлаш маросими 1 декабрь куни ташкиллаштирилади. 16 ноябрь санасида эса мундиалда иштирок этувчи барча — 32 та бахтли терма жамоа номи аниқ бўлди.
Унга кўра, Жаҳон Чемпионатида мезбон Россияни ҳам қўшиб ҳисоблаганда, Европа қитъасининг 14 та термаси иштирок этади. Осиё, Африка ва Жанубий Америкада кўрсаткичлар 5 тадан бўлса, Шимолий Америкадан фақатгина 3 та терма бор.
Мезбон Россия термасининг қуръа олдидан 1-саватда бўлиши аввалдан маълум эди. Мазкур саватни Аргентина ва Бразилиядан ташқари фақатгина Европа мамлакатлари тўлдирди. Англия ва Испания каби грандлар эса 1-саватга кира олмади.
Осиё термаларидан фақатгина Эрон 3-саватга илинди. Қолган тўрт вакил сўнгги саватдан жой олди.
ЖЧ—2018 саватлари
А сават: Россия, Германия, Бразилия, Португалия, Аргентина, Бельгия, Польша, Франция.
Б сават: Испания, Перу, Швейцария, Англия, Колумбия, Хорватия, Мексика, Уругвай.
C сават: Дания, Швеция, Исландия, Коста-Рика, Тунис, Миср, Сенегал, Эрон.
Д сават: Сербия, Нигерия, Япония, Марокаш, Панама, Жанубий Корея, Саудия Арабистони, Австралия.
Изоҳ (0)