2018-yil Rossiya yashil maydonlarida bo‘lib o‘tadigan Jahon Chempionatiga qur’a tashlash marosimi 1-dekabr kuni tashkillashtiriladi. 16-noyabr sanasida esa mundialda ishtirok etuvchi barcha — 32 ta baxtli terma jamoa nomi aniq bo‘ldi.
Unga ko‘ra, Jahon Chempionatida mezbon Rossiyani ham qo‘shib hisoblaganda, Yevropa qit’asining 14 ta termasi ishtirok etadi. Osiyo, Afrika va Janubiy Amerikada ko‘rsatkichlar 5 tadan bo‘lsa, Shimoliy Amerikadan faqatgina 3 ta terma bor.
Mezbon Rossiya termasining qur’a oldidan 1-savatda bo‘lishi avvaldan ma’lum edi. Mazkur savatni Argentina va Braziliyadan tashqari faqatgina Yevropa mamlakatlari to‘ldirdi. Angliya va Ispaniya kabi grandlar esa 1-savatga kira olmadi.
Osiyo termalaridan faqatgina Eron 3-savatga ilindi. Qolgan to‘rt vakil so‘nggi savatdan joy oldi.
JCh—2018 savatlari
A savat: Rossiya, Germaniya, Braziliya, Portugaliya, Argentina, Belgiya, Polsha, Fransiya.
B savat: Ispaniya, Peru, Shveysariya, Angliya, Kolumbiya, Xorvatiya, Meksika, Urugvay.
C savat: Daniya, Shvetsiya, Islandiya, Kosta-Rika, Tunis, Misr, Senegal, Eron.
D savat: Serbiya, Nigeriya, Yaponiya, Marokash, Panama, Janubiy Koreya, Saudiya Arabistoni, Avstraliya.
Izoh (0)