Амирликларнинг Ал-Айн шаҳри мезбонлик қилган БАА ва Ўзбекистон миллий термалари ўртасидаги ўртоқлик ўйинида мезбонлар зафар қучди — 1:0. Учрашувдаги ягона гол 15-дақиқада Али Мабҳут томонидан урилди.
Шу куни тарихда илк бор Рўзиқул Бердиев Ўзбекистон миллий терма жамоасини мураббий сифатида майдонга бошлаб чиқди. «Насаф» устози миллий термани фақатгина Олий Лигада тўп сураётган футболчилардан тузди. Унга берилган миссияга кўра, миллий терма жамоанинг асосий фигуралари бўлган легионерлар йиғинга жалб этилмаганди.
Рўзиқул Бердиевдан ЎФФ фақатгина 1 та учрашувда мураббий бўлишни сўраганди. Энди у «Насаф»даги фаолиятини давом эттириши мумкин. Ташкилот эса миллий терма учун хориждан мутахассис излаш ишларини давом эттиради.
БАА терма жамоаси 10 ноябрь куни Альберто Дзаккерони бошқарувида ўзининг илк ўйинини Гаитига қарши ўтказиб, 0:1 ҳисобида имкониятни бой берганди. Ўзбекистонга қарши беллашув италиялик мутахассис учун Амирлик термаси бошқарувидаги илк ғалаба билан ёдда қолди.
Ўртоқлик ўйини Ал-Айн шаҳри 14 ноябрь, сешанба
БАА — Ўзбекистон 1:0
Гол: Али Мабҳут, 15 (1:0).Четлатиш: Муҳаммад Аҳмад, 93+ (Б).БАА: Холид Эйса — Моҳнад Салим (Муҳаммад Фаёз, 37), Исмоил Аҳмад, Ҳалифа Муборак, Муҳаммад Фавзий, Маҳмуд Ҳамис, Амир Абдулраҳмон, Ҳамис Исмоил (Тариқ Исмоил, 77), Умар Абдулраҳмон (Ҳалфан Муборак, 71), Али Мабҳут (Аҳмад Ал-Аттас, 88), Салим Салоҳ Мусалам.
Ўзбекистон: Игнатий Нестеров — Акмал Шораҳмедов (Шуҳрат Муҳаммадиев, 50), Рустам Ашурматов (Ислом Тўхтахўжаев, 46), Шерзод Аъзамов, Акром Комилов (Фаррух Сайфиев, 46), Одил Ҳамробеков (Азиз Ғаниев, 46), Владимир Козак, Отабек Шукуров, Баҳром Абдураҳимов (Иван Нагаев, 70), Марат Бикмаев, Сардор Мирзаев (Достон Ҳамдамов, 46).
Изоҳ (0)