Россия Коллектив хавфсизлик шартномаси ташкилоти (КХШТ)нинг тезкор жавоб кўрсатиш коллектив кучларининг ўқув машғулотларида қатнашиш учун Марказий ҳарбий округдан 40 га яқин самолёт ва вертолётларни Тожикистонга кўчириб ўтказди, деб ёзади «РБК» МҲО қўшинлари қўмондони ёрдамчиси полковник Ярослав Рошчупкинга таяниб.
Машғулотлар сценарийсига кўра, россиялик учувчилар қўшинлар жойлаштирилишини ҳаводан қўриқлаб туради, шартли душман марраларига зарбалар беради, ҳарбий юкларни етказиб беради, шунингдек, десант туширади.
Ҳарбий ўқув машқлари Тожикистонда 10 ноябрда бошланган бўлиб, 20 ноябргача давом этади. Унда Арманистон, Беларусь, Қозоғистон, Қирғизистон, Россия ва Тожикистон ҳарбийлари қатнашмоқда.
Изоҳ (0)