Лас-Вегас кўчаларида ҳаракатланишни бошлаган ҳайдовчисиз автобус одамнинг айби билан дарҳол ЙТҲга учради

Лас-Вегас кўчаларида ҳаракатини бошлаган автобус икки соат кейин йўл-транспорт ҳодисасига учради. Полициянинг хабарига кўра, ЙТҲ одамнинг айби билан юз берган. Юк машинасининг ҳайдовчиси ўз вақтида машинани тўхтата олмаган ва бурилишда авобусга урилган. ЙТҲ жиддий бўлмаган ва ҳеч ким жабрланмаган. Бу ҳақда Meduza хабар берди.

Шаҳар маъмуриятининг хабар беришича, автобуснинг датчиклари тўсиқни ўз вақтида қайд этган. «Агар юк машинасида ҳам шундай қурилма бўлганида, ЙТҲнинг олдини олиш мумкин бўларди», — дейилади маъмурият хабарида.

Франциянинг Navya компанияси томонидан ишлаб чиқарилган автобус 12 кишига мўлжалланган.

Las Vegas unveiled a driverless shuttle bus, and dozens lined up for a ride. Just hours later, it crashed. Story: https://t.co/POCLyxxBuY pic.twitter.com/TEVLXz6SEN

— AP Climate (@AP_Climate) November 9, 2017

Жорий йилнинг январь ойида автобус Лас-Вегасда синовдан ўтган. Шундан сўнг шаҳар раҳбарияти уни йўналишга чиқаришга қарор қилган. Автобус ишининг биринчи кунида ўнлаб одамлар унда бепул юриш учун навбатда турган.