Наманган шаҳрида марказий кўчалардаги автобус бекатларини реконструкция қилиш ишлари бошланди. Бу ҳақда шаҳар ҳокимлиги ахборот хизмати хабар бермоқда.
Шаҳарнинг Ислом Каримов, Алишер Навоий, Бобур ва бошқа марказий кўчаларида Архитектура бошқармаси томонидан ишлаб чиқилган лойиҳа асосида ойнаванд бекатлар қурилмоқда.
Бундай бекатлар иситиш ва совутиш тизимлари билан жиҳозланган, шунингдек, савдо дўконини ўз ичига олган.
Хабар беришларича, шаҳар ҳокими бу ҳақдаги қарорни 25 октябрь куни имзолаган бўлиб, лойиҳа икки ой муддат ичида тўлиқ амалга ошириб бўлиниши лозим.
Ҳокимлик хабарида реконструкция ишлари айнан нечта автобус бекатини қамраб олишига ва лойиҳа учун қанча маблағ сарфланишига аниқлик киритилмаган.
Изоҳ (0)