Тармоқларда Uber Elevate учувчисиз бошқариладиган таксининг видеоси пайдо бўлди. Компания учувчисиз бошқариладиган такси хизматини 2020 йилда Лос-Анжелесда ишга туширишни режалаштираётгани маълум бўлди, деб хабар берди «Hi-tech.mail.ru».
Бундан ташқари яқинда Uber компанияси NASA билан ҳамкорлик тўғрисида битимга имзо чекди. Компаниялар ҳаво ҳаракатини тартибга солувчи янги мукаммал тизимни яратиш устида биргаликда иш бошлайди.
Учувчисиз бошқариладиган таксидан фойдаланиш учун йўловчилар Uber дастури орқали чипта сотиб олишлари, шундан сўнг яқин атрофдаги осмонўпар бинонинг қўниш майдончасига кўтарилиши керак. У ерда йўловчиларни Uber конвертоплани кутиб олади.
Uber’нинг маълум қилишича, Лос-Анжелес орқали бир ярим соатлик саёҳат учар таксилар ёрдамида 30 дақиқада босиб ўтилиши мумкин.
Аэротаксилар бир кунда ўн минглаб рейсларни амалга ошириши, шу билан бирга улардан фойдаланиш мижозларга ўртача 20 долларга тушиши тахмин қилинмоқда.
Изоҳ (0)